Rio Ferdinandning fikricha, Anje Postekoglu «Tottenxem»ning ruhiyatini kuchaytirgan.

Klub Premyer-liga mavsumi boshida biror o‘yinda mag‘lub bo‘lmadi. «Shporlar» 8 o‘yinda 20 ochko to‘plagan va APL turnir jadvalida 1-o‘rinda bormoqda.

Jamoa Angliya chempionatining 8-turida «Luton»ni qabul qilib, 1:0 hisobida zafar quchdi. Londonliklar ikkinchi bo‘lim davomida ozchilikda o‘ynashdi - Iv Bisuma tanaffusga qadar qizil kartochka oldi.

«Kiyinish xonasidagi muhit muhim natijani beradi. So‘nggi bir yil ichida «Tottenxem» juda yumshoq xarakter ko‘rsatayotgan edi.

O‘tgan mavsumda ular bu tempda mag‘lub bo‘lishardi. Postekoglu jamoaga qattiqqo‘llik qo‘shdi.

Maydonda 10 kishi qolsa, markaziy himoyachilar kuchayishi kerak. Romero va van de Ven himoyada eng yuqori saviyada harakat qilishdi.

Shu nuqtayi nazardan qaraganda, jamoa to‘g‘ri yo‘nalishda harakat qilmoqda. Biroq chempionlik haqida gapirishga hali erta», - dedi «Manchester Yunayted» va Angliya terma jamoasining sobiq futbolchisi.