Huquqlari "Atletiko Madrid"ga tegishli bo‘lgan hujumkor yarim himoyachi Rodrigo Rikelme Germaniya Bundesligasiga o‘tishi mumkin.
Todofichajes jurnalistlariga ma’lum bo‘lishicha, "Borussiya Dortmund" 23 yoshli vingerni o‘z safiga qo‘shib olmoqchi. Potensial transfer summasi 15 million yevro bo‘lishi mumkin. Rikelmening "matraschilar" bilan amaldagi mehnat shartnomasi 2028 yilning iyun oyi oxirigacha amal qiladi.
Ispaniya chempionatining joriy mavsumida Rodrigo beshta uchrashuvda qatnashib, bitta gol urdi. U Madrid klubida 2020 yilning yozidan buyon o‘ynamoqda.