Ҳуқуқлари "Атлетико Мадрид"га тегишли бўлган ҳужумкор ярим ҳимоячи Родриго Рикельме Германия Бундеслигасига ўтиши мумкин.
Todofichajes журналистларига маълум бўлишича, "Боруссия Дортмунд" 23 ёшли вингерни ўз сафига қўшиб олмоқчи. Потенциал трансфер суммаси 15 миллион евро бўлиши мумкин. Рикельменинг "матрасчилар" билан амалдаги меҳнат шартномаси 2028 йилнинг июнь ойи охиригача амал қилади.
Испания чемпионатининг жорий мавсумида Родриго бешта учрашувда қатнашиб, битта гол урди. У Мадрид клубида 2020 йилнинг ёзидан буён ўйнамоқда.