"Fluminense" yarim himoyachisi Andre "Liverpul"ga o‘tishi mumkin. Bu haqda Football Insider xabar bermoqda.
Manbaning xabariga ko‘ra, mersisaydliklar yanvar oyidagi transfer oynasidagi asosiy shartnoma sifatida ehtimoliy kelishuvni ko‘rib chiqishmoqda. Qayd etilishicha, klublar o‘tgan yozda yosh yarim himoyachining transferi bo‘yicha aloqaga chiqqan, biroq "Fluminense" rahbariyati o‘z futbolchisi bilan xayrlashishni istamagan. "Liverpul" qishda braziliyalik yarim himoyachini qo‘lga kiritish borasidagi urinishlarini davom ettiradi.
Joriy mavsumda Andre “Fluminense” safida barcha turnirlarda 36 ta o‘yin o‘tkazib, bitta gol urgan. Futbolchining amaldagi klubi bilan shartnomasi 2026 yilning dekabr oyi oxirigacha amal qiladi. Transfermarkt internet portaliga ko‘ra futbolchining taxminiy narxi 15 million yevroni tashkil qiladi.
