"Флуминенсе" ярим ҳимоячиси Андре "Ливерпуль"га ўтиши мумкин. Бу ҳақда Football Insider хабар бермоқда.
Манбанинг хабарига кўра, мерсисайдликлар январь ойидаги трансфер ойнасидаги асосий шартнома сифатида эҳтимолий келишувни кўриб чиқишмоқда. Қайд этилишича, клублар ўтган ёзда ёш ярим ҳимоячининг трансфери бўйича алоқага чиққан, бироқ "Флуминенсе" раҳбарияти ўз футболчиси билан хайрлашишни истамаган. "Ливерпуль" қишда бразилиялик ярим ҳимоячини қўлга киритиш борасидаги уринишларини давом эттиради.
Жорий мавсумда Андре “Флуминенсе” сафида барча турнирларда 36 та ўйин ўтказиб, битта гол урган. Футболчининг амалдаги клуби билан шартномаси 2026 йилнинг декабрь ойи охиригача амал қилади. Transfermarkt интернет порталига кўра футболчининг тахминий нархи 15 миллион еврони ташкил қилади.
