«Manchester Yunayted» himoyachisi Xarri Maguayr yetarli o‘yin amaliyotiga ega bo‘lmayotgani borasida keskin fikrlar bildirdi.
«Bir oyda bir marta maydonga tushgan holda butun umr bu yerda o‘tirmoqchi emasman. Agar vaziyat shunday davom etsa, ishonchim komil, klub rahbariyati bilan o‘tirib buni muhokama qilib olamiz.
Men o‘z imkoniyatimga va faoliyatim davomida qilib kelgan ishlarimga ishonaman. O‘ynashni va o‘zimni jamoaning muhim bo‘lagi sifatida his etishni istayman», – dedi Maguayr.
30 yoshli futbolchining "MYU" bilan shartnomasi 2025 yilga qadar tuzilgan. Joriy mavsumda u 3 ta o‘yinda maydonga tushib, bir assist muallifiga aylandi.