«PSJ»ning sobiq yarim himoyachisi Marko Verratti jamoada tez orada qo‘lga kiritilgan sovrinlar soni bo‘yicha undan o‘zib ketadigan futbolchi paydo bo‘lishiga umid bildirdi.
Eslatib o‘tamiz, italiyalik Parijda 9 marta Fransiya chempionligi va superkubogi, shuningdek, 12 marta turli ichki kubok musobaqalarida g‘olib chiqqan.
«PSJdagi sovrinlarim? Umid qilamanki, klubda ko‘proq g‘alaba qozonadigan futbolchi bo‘ladi. Bu jamoa yaxshi tempda ekanligidan dalolat beradi.
Men juda faxrlanaman. 30 ta sovrin - bu aql bovar qilmas raqamlarni anglatadi. Bu shuni anglatadiki, biz «PSJ»ni klub munosib bo‘lgan joyga qo‘ya oldik», dedi Verratti.
