«Lester»ning sobiq bosh murabbiyi Kreyg Shekspir yaqinda saraton kasalligiga chalingan edi. 59 yoshli mutaxassis hozirda davolanmoqda. Bu haqda «tulkilar» matbuot xizmati xabar berdi.
Qayd etilishicha, Shekspir o‘zini qo‘llab-quvvatlagan insonlarning xabarlari uchun barchaga minnatdorchilik bildiradi.
Shekspir «Lester»da murabbiylar shtabida ishlagan. 2016 yilda «tulkilar» sensasion tarzda Angliya Premyer-ligasida g‘alaba qozonganida, Shekspir Klaudio Ranyeri shtabida edi.
Aytish joizki, «Lester» hozirda chempionshipda, ya’ni ikkinchi oliy divizionda o‘ynamoqda.
