«Лестер»нинг собиқ бош мураббийи Крэйг Шекспир яқинда саратон касаллигига чалинган эди. 59 ёшли мутахассис ҳозирда даволанмоқда. Бу ҳақда «тулкилар» матбуот хизмати хабар берди.
Қайд этилишича, Шекспир ўзини қўллаб-қувватлаган инсонларнинг хабарлари учун барчага миннатдорчилик билдиради.
Шекспир «Лестер»да мураббийлар штабида ишлаган. 2016 йилда «тулкилар» сенсацион тарзда Англия Премьер-лигасида ғалаба қозонганида, Шекспир Клаудио Раньери штабида эди.
Айтиш жоизки, «Лестер» ҳозирда чемпионшипда, яъни иккинчи олий дивизионда ўйнамоқда.
