Premyer-liganing 9-turining har bir o‘yini Yaqin Sharqdagi Falastin-Isroil mojarosining yangi bosqichida qurbon bo‘lganlar xotirasiga bir daqiqalik sukut saqlash bilan boshlanadi. Bu haqda turnir matbuot xizmati ijtimoiy tarmoqlarda xabar berdi.
Qayd etilishicha, barcha futbolchilar qo‘llariga qora bog‘ichlar taqqan holda o‘ynashadi. Liga shuningdek, Britaniya Qizil Xoch jamiyatiga xayriya qiladi.
Eslatib o‘tamiz, Premyer-ligada navbatdagi tur kelasi dam olish kunlari - 21-23 oktyabr kunlari bo‘lib o‘tadi. Turnir jadvalini Shimoliy London vakillari – “Tottenxem” va “Arsenal” boshqarib turishibdi. Sakkiz turda ikkalasida ham 20 ochko bor.
