Премьер-лиганинг 9-турининг ҳар бир ўйини Яқин Шарқдаги Фаластин-Исроил можаросининг янги босқичида қурбон бўлганлар хотирасига бир дақиқалик сукут сақлаш билан бошланади. Бу ҳақда турнир матбуот хизмати ижтимоий тармоқларда хабар берди.

Қайд этилишича, барча футболчилар қўлларига қора боғичлар таққан ҳолда ўйнашади. Лига шунингдек, Британия Қизил Хоч жамиятига хайрия қилади.

Эслатиб ўтамиз, Премьер-лигада навбатдаги тур келаси дам олиш кунлари - 21-23 октябрь кунлари бўлиб ўтади. Турнир жадвалини Шимолий Лондон вакиллари – “Тоттенхэм” ва “Арсенал” бошқариб туришибди. Саккиз турда иккаласида ҳам 20 очко бор.