Osiyo futbol konfederasiyasi (OFK) tomonidan Chempionlar ligasi guruh bosqichi 2-turining eng yaxshi goli muallifi bo‘lishga da’vogar futbolchilar ro‘yxati e’lon qilindi.

Biz uchun quvonchlisi, ushbu ro‘yxatdan "Navbahor"ning tajribali yarim himoyachisi Jamshid Iskanderov tomonidan “Mumbay Siti” (Hindiston) darvozasiga urilgan gol ham o‘rin olgan.

Xabaringiz bor, o‘sha o‘yinda “lochinlar” yirik – 3:0 hisobida g‘alaba qozonishgan, Iskanderov uchrashuvning 52-daqiqasida 25 metrlar chamasi uzoqlikdan chap oyog‘ida darvozaga kuchli va aniq zarba yo‘llab, hisobni ochgan hamda “Navbahor”ning Osiyo Chempionlar Ligasi  (OCHL)dagi ilk goli muallifiga aylangandi. 

OCHL 2-turining eng yaxshi goli muallifi bo‘lishga da’vogarlar qatorida Mussa Marega (“Sharja” FK), Ali Jasim (“Eyr Fors”), Neymar (“Al –Hilol”), Taliska (“Al-Nasr”), Rungrat Pumichantuk (“Bangkok Yunayted”), Paul-Xose M`Poku (“Incheon Yunayted”), Aziz Behich (“Melburn Siti”), Kento Tachibanada (“Kavasaki”) va Orif Aiman (“Johor Darul”)lar ham bor.

Eng yaxshi golga ovoz berish uchun ushbu sahifaga o‘ting.