Portugaliya terma jamoasi hujumchisi Krishtianu Ronaldu Yevropa chempionati saralash turnirida Slovakiya ustidan qozonilgan g‘alaba (3:2) haqida fikr bildirdi.
“Biz Yevro-2024damiz! Portugaliyaga yana bir bor ushbu buyuk musobaqaning final bosqichiga chiqishga yordam berganimdan juda xursandman. Ajoyib tabriklar uchun Portugaliya futbol federasiyasi va stadionga tashrif buyurgan muxlislarga alohida rahmat!” — deb yozdi Ronaldu ijtimoiy tarmoqda.
Portugaliya "J" guruhida 7 o‘yindan keyin 21 ochko bilan birinchi o‘rinda bormoqda. Slovakiya 2-o‘rinda (7 o‘yinda 13 ochko).
