Portugaliya terma jamoasi bosh murabbiyi Roberto Martines 2024 yilgi Yevropa chempionati saralash o‘yinida Slovakiya ustidan qozonilgan g‘alaba (3:2) haqida fikr bildirdi.
“Natijadan, yaratgan imkoniyatlarimizdan mamnunman. Birinchi bo‘limda biz juda yaxshi Portugaliya termasini ko‘rdik. Biz ustunlik qilishni va gol urishni davom ettirmoqchi edik, lekin o‘zimizni bo‘sh qo‘yib yubordik. Slovakiya darvozaga to‘rtta zarba yo‘lladi, biz esa 12 bor. Ko‘p imkoniyatlarni qo‘ldan boy berdik, ammo baribir bu g‘alabaga haqli edik", - deya Martinesning so‘zlarini keltiradi UYEFA matbuot xizmati.
