"PSJ"dan "RB Leypsig"da ijara asosida harakat qilayotgan yarim himoyachi Xavi Simons yana kelajagi haqidagi savolga javob berdi.

20 yoshli futbolchi Germaniyada ishonchli o‘yin ko‘rsatmoqda, shuning uchun ham matbuotda uning kelajagi haqida ko‘proq mish-mishlar paydo bo‘lmoqda. Niderlandiyalik futbolchining ijara muddati mavsum oxirigacha.

“PSJ"dagi kelajagim? Men “RB Leypsig”da baxtliman, bu qiziqarli mavsum bo‘lmoqda”, — dedi Simons Fransiya terma jamoasi bilan o‘yindan so‘ng (1:2).

Xavi Simons “RB Leypsig” safida 11 ta o‘yinda 3 ta gol va 4 ta golli uzatmaga mualliflik qilgan. Mish-mishlarga ko‘ra, futbolchiga Angliya Premyer-ligasi vakillari qiziqish bildirmoqda.