Yevro-2024 saralash bosqichidan o‘rin olgan Ukraina va Italiya o‘yini Leverkuzenda (Germaniya) bo‘lib o‘tadi, deb xabar bermoqda UFA rasmiy sayti.
O‘yin 20 noyabrt kuni "BayArena" maydonida bo‘lib o‘tadi. Mahalliy "Bayer Leverkuzen" o‘yin uchun o‘z stadionini berishga rozi bo‘ldi.
"Muzokaralar Ukraina – Italiya o‘yinini ajoyib "BayArena" stadionida o‘tkazish bo‘yicha kelishuv bilan yakunlanganidan xursandmiz. Ukraina futbol assosiasiyasi Germaniyaning "Bayer" klubi rahbariyatiga Ukraina futboliga ko‘rsatayotgan samarali hamkorligi va qo‘llab-quvvatlagani uchun samimiy minnatdorchilik bildiradi!
Germaniya futbol assosiasiyasiga ushbu o‘yinni tashkil etishdagi yordami, shuningdek, og‘ir sinov davrida Ukrainani qo‘llab-quvvatlagani uchun alohida minnatdorchilik bildiraman. Biz buni qadrlaymiz va mehmondo‘stligingizni doimo eslaymiz! Ishonchim komilki, 20 noyabr kuni jamoamizni qo‘llab-quvvatlash uchun Leverkuzenga tashrif buyuradigan ukrainalik muxlislar ham "BayArena"ning mehmondo‘stligi va go‘zalligini qadrlashlari mumkin", — dedi UFA birinchi vise-prezidenti Vadim Kostyuchenko.
