Евро-2024 саралаш босқичидан ўрин олган Украина ва Италия ўйини Леверкузенда (Германия) бўлиб ўтади, деб хабар бермоқда УФА расмий сайти.
Ўйин 20 ноябрт куни "БайАрена" майдонида бўлиб ўтади. Маҳаллий "Байер Леверкузен" ўйин учун ўз стадионини беришга рози бўлди.
"Музокаралар Украина – Италия ўйинини ажойиб "БайАрена" стадионида ўтказиш бўйича келишув билан якунланганидан хурсандмиз. Украина футбол ассоциацияси Германиянинг "Байер" клуби раҳбариятига Украина футболига кўрсатаётган самарали ҳамкорлиги ва қўллаб-қувватлагани учун самимий миннатдорчилик билдиради!
Германия футбол ассоциациясига ушбу ўйинни ташкил этишдаги ёрдами, шунингдек, оғир синов даврида Украинани қўллаб-қувватлагани учун алоҳида миннатдорчилик билдираман. Биз буни қадрлаймиз ва меҳмондўстлигингизни доимо эслаймиз! Ишончим комилки, 20 ноябрь куни жамоамизни қўллаб-қувватлаш учун Леверкузенга ташриф буюрадиган украиналик мухлислар ҳам "БайАрена"нинг меҳмондўстлиги ва гўзаллигини қадрлашлари мумкин", — деди УФА биринчи вице-президенти Вадим Костюченко.
