«Manchester Yunayted» mavsumning dastlabki ikki oyini yomon o‘tkazdi va hozirdanoq tarkibini kuchaytirish haqida o‘ylamoqda.

South London Press xabariga ko‘ra, «qizil iblislar» «Kristal Pelas» himoyachisi Mark Gexini kuzatib borishmoqda.

Gexi «Chelsi» akademiyasi tarbiyalanuvchisi hisoblanadi. Himoyachi 2021 yilning yozidan buyon «Kristal Pelas»da o‘ynamoqda.

Bu vaqt ichida Gexi 91 ta rasmiy o‘yinda maydonga tushib, o‘z hisobiga 5 ta gol hamda bitta golli uzatma yozdirib qo‘ygan.

Eslatib o‘tamiz, nufuzli Transfermarkt portali mutaxassislari 23 yoshli Markni 35 million yevroga baholamoqda.