Fransiya terma jamoasi himoyachisi Jan-Kler Todibo bir daqiqalik sukut paytida kulib yubordi.
Yevro-2024 saralashi doirasidagi Fransiya va Niderlandiya terma jamoalari o‘rtasidagi o‘yin Arras shahridagi maktabga uyushtirilgan hujumda halok bo‘lgan o‘qituvchi xotirasiga bir daqiqalik sukut saqlash bilan boshlandi. Hodisa juma kuni o‘yin boshlanishiga bir necha soat qolganida sodir bo‘lgan.
O‘yindan so‘ng ijtimoiy tarmoqlarda butun o‘yinni zaxira o‘rindig‘ida o‘tkazgan “Nissa” himoyachisi Jan-Kler Todibo bir daqiqalik sukutda kulib turgani aks etgan suratlar paydo bo‘ldi.
RMC Sport jurnalisti Daniel Rioloning so‘zlariga ko‘ra, Todiboning kulishiga kimdir uni haqorat qilgani sabab bo‘lgan.
Uchrashuv fransuzlarning 2:1 hisobidagi g‘alabasi bilan yakunlandi va bu jamoaga Yevro-2024 ga muddatidan avval yo‘llanmani taqdim etdi.