"Nissa" va Jazoir terma jamoasining o‘ng qanot himoyachisi Yusuf Attal Falastinni qo‘llab-quvvatlab, yahudiylarni genosid qilishga chaqirdi.

Kecha, 14-oktyabr kuni u videoni e’lon qildi, unda futbolchi musulmonlarni “yahudiylar uchun qora kun" tashqil qilishga chaqirdi. Tez orada jazoirlik futbolchi ushbu postni o‘chirib tashladi.

Klub o‘z futbolchisining pozisiyasiga hozircha izoh bermadi, biroq Nissa meri Kristian Estrosi futbolchidan uzr so‘rashini talab qilmoqda: “XAMASning hatti-harakatlarini oqlagan Yusuf Attal uzr so‘rashini va uning harakatlarini qoralashini kutaman. Aks holda unga klubimizdan joy qolmaydi" - dedi Nissa meri.

Estrosining ultimatumidan so‘ng, 27 yoshli "Nissa" himoyachisi Instagramdagi posti uchun uzr so‘radi: "Mening postim ko‘pchilikni hayratda qoldirganini tushunaman. Bu mening niyatim emas edi, shuning uchun kechirim so‘rayman.

Men o‘z pozisiyamni mutlaqo ochiq aytmoqchiman: men dunyoning istalgan nuqtasida zo‘ravonlikning barcha ko‘rinishlarini qat’iy qoralayman va barcha qurbonlar bilan birgaman. Men hech qachon nafratga chaqiruvlarni qo‘llab-quvvatlamayman. Tinchlik – bu ideal, men bunga qat’iy ishonaman" -, deb yozgan Attal.