"Ницца" ва Жазоир терма жамоасининг ўнг қанот ҳимоячиси Юсуф Аттал Фаластинни қўллаб-қувватлаб, яҳудийларни геноцид қилишга чақирди.
Кеча, 14-октябрь куни у видеони эълон қилди, унда футболчи мусулмонларни “яҳудийлар учун қора кун" ташқил қилишга чақирди. Тез орада жазоирлик футболчи ушбу постни ўчириб ташлади.
Клуб ўз футболчисининг позициясига ҳозирча изоҳ бермади, бироқ Ницца мэри Кристиан Эстроси футболчидан узр сўрашини талаб қилмоқда: “ХАМАСнинг ҳатти-ҳаракатларини оқлаган Юсуф Аттал узр сўрашини ва унинг ҳаракатларини қоралашини кутаман. Акс ҳолда унга клубимиздан жой қолмайди" - деди Ницца мэри.
Эстросининг ультиматумидан сўнг, 27 ёшли "Ницца" ҳимоячиси Инстаграмдаги пости учун узр сўради: "Менинг постим кўпчиликни ҳайратда қолдирганини тушунаман. Бу менинг ниятим эмас эди, шунинг учун кечирим сўрайман.
Мен ўз позициямни мутлақо очиқ айтмоқчиман: мен дунёнинг исталган нуқтасида зўравонликнинг барча кўринишларини қатъий қоралайман ва барча қурбонлар билан биргаман. Мен ҳеч қачон нафратга чақирувларни қўллаб-қувватламайман. Тинчлик – бу идеал, мен бунга қатъий ишонаман" -, деб ёзган Аттал.
