"Barselona" yarim himoyachisi Gavi Ispaniya terma jamoasi uchun rekord o‘rnatdi.
Yosh futbolchi 19 yoshu 71 kunligida milliy terma jamoadagi 25-uchrashuvini o‘tkazdi. Boshqa hech bir ispaniyalik bu ko‘rsatkichga bunchalik erta erishmagan, deb yozadi Mundo Deportivo.
E’tiborlisi, afsonaviy Xavi Ernandes, Serxio Buskets va Andres Iniyesta Gavining hozirgi yoshida debyut qilishga ham ulgurmagan, Serxio Ramos esa - "qizil furiya" uchun o‘tkazilgan o‘yinlar soni bo‘yicha amaldagi rekordchi.
Norvegiya terma jamoasiga qarshi bugungi o‘yinda aynan Gavi yagona gol muallifi bo‘ldi. “Barselona” yarim himoyachisi 49-daqiqada gol urdi va ispanlarga Yevro-2024 yo‘llanmasini muddatidan oldin olib keldi.