"Барселона" ярим ҳимоячиси Гави Испания терма жамоаси учун рекорд ўрнатди.
Ёш футболчи 19 ёшу 71 кунлигида миллий терма жамоадаги 25-учрашувини ўтказди. Бошқа ҳеч бир испаниялик бу кўрсаткичга бунчалик эрта эришмаган, деб ёзади Mundo Deportivo.
Эътиборлиси, афсонавий Хави Эрнандес, Серхио Бускетс ва Андрес Иниеста Гавининг ҳозирги ёшида дебют қилишга ҳам улгурмаган, Серхио Рамос эса - "қизил фурия" учун ўтказилган ўйинлар сони бўйича амалдаги рекордчи.
Норвегия терма жамоасига қарши бугунги ўйинда айнан Гави ягона гол муаллифи бўлди. “Барселона” ярим ҳимоячиси 49-дақиқада гол урди ва испанларга Евро-2024 йўлланмасини муддатидан олдин олиб келди.