Ispaniya terma jamoasi yarim himoyachisi Gavi Yevropa chempionati-2024 saralash bosqichi doirasida Norvegiya ustidan qozonilgan minimal g‘alaba haqida gapirdi. "Qizil furiya" 1:0 hisobida g‘alaba qozondi.
"Natijalarimizdan mamnunman. Biz yaxshi o‘ynadik va mehnatimiz o‘z samarasini berdi. Butun jamoani Yevropa chempionatiga chiqqani bilan tabriklayman. Norvegiyani mehmonda mag‘lub etish oson bo‘lmadi, bu jamoa yaxshi o‘ynaydi", - dedi Gavi Mundo Deportivo bilan suhbatda.
Eslatib o‘tamiz, so‘nggi uchrashuvdagi yagona gol Gavi tomonidan kiritilgandi. Saralash turniridagi olti uchrashuvdan so‘ng Ispaniya terma jamoasi 15 ochko jamg‘arib, o‘z guruhida birinchi o‘rinni egallab turibdi.