"Betis" chap qanot himoyachisi Xuan Mirandaga Italiyaning "Milan" klubi qiziqish bildirmoqda.
Insayder Matteo Moretto xabariga ko‘ra, kelasi yozda erkin agentga aylanadigan futbolchini "Milan" o‘z safiga qo‘shib olishga jiddiy harakat qilmoqda va futbolchiga allaqachon yozma taklif tayyorlagan.
Avvalroq, 23 yoshli himoyachiga "Barselona"dan qiziqish bo‘layotgani xabar qilingandi. U aynan kataloniyaliklar tarbiyalanuvchisi hisoblanadi.