"Yuventus" yarim himoyachisining agenti Nikolo Fajoli mijozining sport musobaqalariga noqonuniy pul tikishda ishtiroki haqida gapirdi.
Bir necha oy ichida 22 yoshli futbolchi pul tikish uchun 1 million yevrodan ortiq mablag‘ sarflagani avvalroq xabar qilingandi.
“Biz maslahatlashdik va Nikolo qimor o‘yinlariga qaramlikdan aziyat chekayotgani hamda tegishli davolanish kursidan o‘tishi haqida mustaqil ravishda xabar berishga qaror qildik. Bu muammo men uning agenti bo‘lishimdan oldin ham paydo bo‘lgan", - deya agentning so‘zlaridan iqtibos keltiradi jurnalist Nikolo Skira.
Joriy mavsumda Fajoli "Yuventus" tarkibida 6 ta o‘yin o‘tkazib, bitta golli uzatmani amalga oshirdi.
