"Ювентус" ярим ҳимоячисининг агенти Николо Фажоли мижозининг спорт мусобақаларига ноқонуний пул тикишда иштироки ҳақида гапирди.
Бир неча ой ичида 22 ёшли футболчи пул тикиш учун 1 миллион евродан ортиқ маблағ сарфлагани аввалроқ хабар қилинганди.
“Биз маслаҳатлашдик ва Николо қимор ўйинларига қарамликдан азият чекаётгани ҳамда тегишли даволаниш курсидан ўтиши ҳақида мустақил равишда хабар беришга қарор қилдик. Бу муаммо мен унинг агенти бўлишимдан олдин ҳам пайдо бўлган", - дея агентнинг сўзларидан иқтибос келтиради журналист Николо Скира.
Жорий мавсумда Фажоли "Ювентус" таркибида 6 та ўйин ўтказиб, битта голли узатмани амалга оширди.
