O‘zbekiston terma jamoasi Xitoydagi yig‘in doirasida mezbonlarga qarshi o‘rtoqlik uchrashuvida maydonga tushdi. Bahsda vakillarimiz 2:1 hisobida zafar quchdi.
Dastlab, xitoyliklar birinchi bo‘limda yuzaga keltirgan yagona vaziyatidan unumli foydalanib hisobni ochgandi - 0:1. Gol muallifi - Vei Shixao.
Vakillarimiz ikkinchi bo‘limda asosiy e’tiborni hujumga qaratdi. Vaziyatlarning birida Abbos Fayzullayev penalti ishladi. Undan Otabek Shukurov zarba berdi, dastlab darvozbon uni bartaraf etgandi, ammo qaytgan to‘pga birinchi yetib kelgan Shukurov hisobni tenglashtirdi. 86-daqiqada hujumda pressing evaziga raqibdan to‘pni olib qo‘ygan Bobir Abdiholiqov ajoyib tarzda Jamshid Iskanderovga uzatma berdi, deyarli 11 metrlik nuqtadan to‘pni to‘xtatmay zarba bergan Iskanderov jamoamizga g‘alaba keltirgan gol muallifi bo‘ldi.
Eslatib o‘tamiz, 13 oktyabr kuni vakillarimiz Vyetnam ustidan 2:0 hisobida g‘alaba qozongandi.
