Jim Retkliff "Manchester Yunayted" bosh murabbiyini o‘zgartirish niyatida emas.
Avvalroq Ineos kimyo kompaniyasi rahbari "Manchester Yunayted"ning 25 foiz ulushini 1,3 milliard funt sterlingga sotib olishga yaqin turgani ma’lum bo‘lgandi - bu britaniyalik milliarderning klubni to‘liq qo‘lga kiritish yo‘lidagi birinchi qadami bo‘lishi kutilmoqda.
ESPN xabariga ko‘ra, Erik ten Xag Retkliff kelganidan keyin ham "Manchester Yunayted"da qoladi. Biznesmen klubning sport qarorlariga ta’sir o‘tkazishga intiladi, ammo murabbiyni almashtirish uning rejalariga kirmaydi.
Qayd etilishicha, Retkliff va uning kompaniyasi Ineos tomonidan "Manchester Yunayted" aksiyalarining bir qismini sotib olish borasida klub boshqaruvining payshanba kuni bo‘lib o‘tadigan navbatdagi yig‘ilishida nihoyat kelishib olish mumkin.
