Italiya terma jamoasining o‘ng qanot himoyachisi Jovanni di Lorenso Angliya terma jamoasi bilan bo‘lajak o‘yin borasida jurnalistlarning savollariga javob berdi.

“O‘sha uchrashuvni va o‘sha oqshomni eslash har doim yoqimli, ammo endi biz xotiralarni bir chetga surib, bor e’tiborimizni bo‘lajak o‘yinga qaratishimiz kerak. Bizni qiyin o‘yin kutmoqda, ammo biz tayyormiz va startni intiqlik bilan kutmoqdamiz.

Butun hafta davomida to‘g‘ri munosabatda bo‘ldik va Maltaga qarshi o‘yinda murabbiy bizdan talab qilgan hamma narsani bajardik. Umid qilamanki, xuddi shunday ruhda davom etamiz", - deya di Lorensoning so‘zlaridan iqtibos keltiradi Football Italia.