Италия терма жамоасининг ўнг қанот ҳимоячиси Жованни ди Лоренцо Англия терма жамоаси билан бўлажак ўйин борасида журналистларнинг саволларига жавоб берди.

“Ўша учрашувни ва ўша оқшомни эслаш ҳар доим ёқимли, аммо энди биз хотираларни бир четга суриб, бор эътиборимизни бўлажак ўйинга қаратишимиз керак. Бизни қийин ўйин кутмоқда, аммо биз тайёрмиз ва стартни интиқлик билан кутмоқдамиз.

Бутун ҳафта давомида тўғри муносабатда бўлдик ва Мальтага қарши ўйинда мураббий биздан талаб қилган ҳамма нарсани бажардик. Умид қиламанки, худди шундай руҳда давом этамиз", - дея ди Лоренсонинг сўзларидан иқтибос келтиради Football Italia.