O‘zbekiston milliy jamoasi kecha Xitoyga qarshi maydonga tushib, irodali g‘alabaga erishdi. "Futbolium" kanali mazkur o‘yinga doir ma’lumotlarni e’lon qildi.

— Terma jamoamiz so‘nggi 3 yil ichida ilk marta safardagi o‘yinda g‘alaba qozondi. O‘zbekiston so‘nggi marta 2020 yilning 12 oktyabr kuni BAA ustidan mehmonda 2:1 hisobida g‘alaba qozongandi.

Shundan keyin milliy jamoamiz Saudiya Arabistoni (0:3), Shvesiya (1:2), Iordaniya (0:3), Gruziya (0:1) va AQSH (0:3)ga qarshi safardagi o‘yinlarda yutqazgandi.

— Kechagi bahs Xitoyga qarshi 14-o‘yin bo‘ldi. Terma jamoamiz eng ko‘p uchrashuvlarni BAA (15) va Janubiy Koreya (16) termalariga qarshi o‘tkazgan. Iordaniya va Qatarga qarshi esa 14 martadan maydonga tushganmiz.

— O‘zbekiston Xitoy ustidan sakkizinchi marta g‘alabaga erishdi. Bizdan eng ko‘p marta yutqazgan terma jamoa esa Qatar hisoblanadi — 9 marta. Turmaniston esa 8 marta mag‘lub etilgan (9 o‘yinda).

— Kelasi oyda esa aynan Turkmanistonga qarshi mehmonda o‘yin kutib turibdi. Terma jamoamiz 16 noyabr kuni JCH-2026 saralash bosqichidagi ilk uchrashuvini Ashxobodda turkmanlarga qarshi o‘tkazadi.