“Inter” va Fransiya terma jamoasi himoyachisi Benjamen Pavar terma jamoaning Shotlandiya bilan o‘rtoqlik uchrashuvida himoya markazida debyut qiladi.
BeFootball xabariga ko‘ra, 17 oktyabr, seshanba kuni Pavar Shotlandiyaga qarshi o‘yinda ilk daqiqalardanoq maydonga tushadi. Manba bergan xabarga ko‘ra, futbolchi shu paytgacha terma jamoada o‘ynamagan markaziy himoyachi pozisiyasida o‘ynaydi. Pavar 2017 yildagi debyutidan beri Fransiya jamoasining o‘ng qanot himoyachisi hisoblanadi.
Ta’kidlash joizki, "Inter"da Pavar faqat markaziy chiziqda o‘ynamoqda.
Futbolchi Fransiya terma jamoasi safida 51 ta o‘yin o‘tkazib, 3 ta gol va 3 ta golli uzatmani amalga oshirgan.