“Интер” ва Франция терма жамоаси ҳимоячиси Бенжамен Павар терма жамоанинг Шотландия билан ўртоқлик учрашувида ҳимоя марказида дебют қилади.
BeFootball хабарига кўра, 17 октябрь, сешанба куни Павар Шотландияга қарши ўйинда илк дақиқаларданоқ майдонга тушади. Манба берган хабарга кўра, футболчи шу пайтгача терма жамоада ўйнамаган марказий ҳимоячи позициясида ўйнайди. Павар 2017 йилдаги дебютидан бери Франция жамоасининг ўнг қанот ҳимоячиси ҳисобланади.
Таъкидлаш жоизки, "Интер"да Павар фақат марказий чизиқда ўйнамоқда.
Футболчи Франция терма жамоаси сафида 51 та ўйин ўтказиб, 3 та гол ва 3 та голли узатмани амалга оширган.
