«Yuventus» hujumchisi Dushan Vlaxovich Yevropaning bir qancha gigantlarining nishoniga tushgan.
Todofichajes xabariga ko‘ra, «Real», «Arsenal» va «Chelsi» serbiyalik futbolchini qishki transfer oynasida o‘z safiga qo‘shib olmoqchi.
Ushbu klublarning har biri 2023/2024 yilgi mavsumning ikkinchi qismida hujum chizig‘ini kuchaytirishni kutmoqda.
Qayd etilishicha, Vlaxovichni transfer qilish oson bo‘lmaydi, chunki «Yuventus» futbolchini o‘zida saqlab qolmoqchi va 100 million yevro atrofida pul talab qiladi. Shu bilan birga, nufuzli Transfermarkt portali 23 yoshli serbni 70 million yevroga baholamoqda.
