Italiya chempionatining navbatdagi, 9-turining markaziy uchrashuvi “Milan” va “Yuventus” o‘rtasida bo‘lib o‘tadi va o‘tmishda bu ikki klubga ustozlik qilgan Fabio Kapello bu haqda o‘z fikrlari bilan o‘rtoqlashdi.
U bashorat qilishga shoshilmaslikni taklif qildi, chunki ko‘p narsa terma jamoalardan futbolchilarining qay holatda qaytishiga bog‘liq bo‘ladi.
"Bu haqda gapirishga hali erta. Terma jamoalardagi futbolchilar qanday holatda qaytishlarini ko‘rishimiz kerak. Bu nihoyatda muhim. Hozircha “Milan” derbidagi mag‘lubiyatdan so‘ng o‘ziga keldi, deyishimiz mumkin, bu aniq”, — deya Kapelloning so‘zlarini keltiradi pianetamilan.it.
