Италия чемпионатининг навбатдаги, 9-турининг марказий учрашуви “Милан” ва “Ювентус” ўртасида бўлиб ўтади ва ўтмишда бу икки клубга устозлик қилган Фабио Капелло бу ҳақда ўз фикрлари билан ўртоқлашди.

У башорат қилишга шошилмасликни таклиф қилди, чунки кўп нарса терма жамоалардан футболчиларининг қай ҳолатда қайтишига боғлиқ бўлади.

"Бу ҳақда гапиришга ҳали эрта. Терма жамоалардаги футболчилар қандай ҳолатда қайтишларини кўришимиз керак. Бу ниҳоятда муҳим. Ҳозирча “Милан” дербидаги мағлубиятдан сўнг ўзига келди, дейишимиз мумкин, бу аниқ”, — дея Капеллонинг сўзларини келтиради pianetamilan.it.