Bilbaoning "Atletik" klubi vingeri Niko Uilyams sakkizinchi va to‘qqizinchi qovurg‘alar orasidagi bo‘shliq darajasidagi chap qovurg‘alararo mushakidan jarohat oldi, deb xabar bermoqda Marca nashri.
Manbaga ko‘ra, futbolchi Ispaniya terma jamoasida olgan jarohati tufayli jamoa bilan mashg‘ulot o‘tkazmagan. Futbolchi terma jamoadan qaytganidan beri u reabilitasiya kursidan o‘tmoqda va to‘liq jismoniy formaga qaytishi uchun to‘rtta mashg‘ulotdan o‘tishi kerak bo‘ladi. Shikastlanishning asosiy muammosi og‘riqdir, ba’zida doimiy bo‘lib, uni infiltrasiya yordamida hal qilish mumkin.
Ispaniya chempionatining navbatdagi turida “Atletik” “Barselona”ga qarshi bahs olib boradi. Uchrashuv 22 oktyabr kuni "Olimpik Lyuis Kompanis" stadionida bo‘lib o‘tadi.
Niko Uilyams Bilbao tarbiyalanuvchisi bo‘lib, akademiyadan asosiy jamoaga qadar ko‘tarilgan. O‘tgan mavsumda 21 yoshli futbolchi barcha turnirlarda 43 ta o‘yin o‘tkazib, 9 ta gol urdi va 6 ta golli uzatmani amalga oshirdi. Uilyams joriy mavsumda oltita o‘yin o‘tkazdi va to‘rtta golli uzatmani amalga oshirdi.
