«Barselona» prezidenti Joan Laporta hozirda «Inter Mayami»da to‘p tepayotgan argentinalik hujumchi Lionel Messining Kataloniya klubiga qaytishi mumkinligi haqidagi fikri bilan o‘rtoqlashdi.
Laporta xabariga ko‘ra, «Barselona» joriy mavsum boshida Messiga qaytishni taklif qilgan, biroq futbolchining o‘zi faoliyatini MLSda davom ettirishga qaror qilgan.
«Biz Messini mavsum boshida klubga qaytishga taklif qilgandik. U biz hurmat qiladigan qaror qabul qildi.
U yana bir yillik bosimni istamadi va «Inter»ga o‘tdi», - deya Laportaning so‘zlarini keltiradi Marca.
