Eddi Xau 2024-yilgi Yevropa chempionatidan so‘ng Angliya terma jamoasida Garet Sautgeyt o‘rnini egallashi mumkin bo‘lgan murabbiylar ro‘yxatidan joy olgan. Angliya futbol assosiasiyasi Xauning nomzodini jiddiy ko‘rib chiqmoqda, biroq mutaxassisning o‘zi yaqin kelajakda xalqaro saviyaga chiqish niyatida emas.
Qayd etilishicha, Xau hozircha faqat klub darajasida ishlash haqida o‘ylamoqda. Shu bilan birga, “Nyukasl” agar futbol assosiasiyasi uni terma jamoaga jalb qilishga urinsa, murabbiyni o‘z safida saqlab qolishga harakat qiladi.
Eslatib o‘tamiz, o‘tgan kuni Angliya terma jamoasi Italiyani mag‘lub etib (3:1) Yevro-2024 yo‘llanmasini qo‘lga kiritgan edi.
