Эдди Хау 2024-йилги Европа чемпионатидан сўнг Англия терма жамоасида Гарет Саутгейт ўрнини эгаллаши мумкин бўлган мураббийлар рўйхатидан жой олган. Англия футбол ассоциацияси Хаунинг номзодини жиддий кўриб чиқмоқда, бироқ мутахассиснинг ўзи яқин келажакда халқаро савияга чиқиш ниятида эмас.
Қайд этилишича, Хау ҳозирча фақат клуб даражасида ишлаш ҳақида ўйламоқда. Шу билан бирга, “Ньюкасл” агар футбол ассоциацияси уни терма жамоага жалб қилишга уринса, мураббийни ўз сафида сақлаб қолишга ҳаракат қилади.
Эслатиб ўтамиз, ўтган куни Англия терма жамоаси Италияни мағлуб этиб (3:1) Евро-2024 йўлланмасини қўлга киритган эди.