The Athletic sport veb-portali Premyer-liga stadionlarining eng yaxshisidan yomonigacha bo‘lgan o‘z reytingini e’lon qildi.
Bir nechta omillar hisobga olindi: o‘yin vaqtida stadiondagi atmosfera, tribunadan ko‘rinish, arenaning transport uchun qulayligi va joylashuvi, shuningdek, stadionning o‘z dizayni.
Birinchi o‘rinni Premyer-liganing amaldagi yetakchisi – «Tottenxem» stadioni, ikkinchi o‘rinni «Nyukasl» arenasi – «Sent Jeyms Park» egalladi.
«Old Trafford» kuchli uchlikni yakunladi. To‘rtinchi o‘rin Shimoliy Londondagi «Emireyts» arena, beshinchi o‘rin «Enfild»ga nasib etdi.
Uchta eng yomon arenalar «Selxurst Park» («Kristal Pelas»), «Keniuert Roud» («Luton Taun») va «Vitaliti Stedium» («Bornmut») bo‘ldi.
