"Real Madrid" bosh murabbiyi Karlo Anchelotti Rodrigoning taktik roli haqida gapirdi.
Joriy mavsumda "Los-Blankos"ning o‘yin tizimi o‘zgardi va hozir braziliyalik markaziy hujumchi pozisiyasida harakat qilmoqda. Yaqinda 22 yoshli futbolchining o‘zi "to‘qqizlik" pozisiyasida bo‘lishni unchalik yoqtirmasligini tan oldi - u qanotda o‘ynashni yaxshi ko‘radi.
“Futbolchilarning o‘zlari qayerda o‘ynashni yoqtirishlarini bilish muhim. Men hech kimni noqulay vaziyatga qo‘ymaslikka harakat qilaman, lekin ba’zida kimdir jamoa ehtiyojlari uchun o‘zini qurbon qilishi kerak. Bu Tchuameni, Kamavinga va o‘sha Rodrigo bilan sodir bo‘ldi.
"Rodrigo hujumchi bo‘lishga qodir, deb ishonaman, ammo bu mavsumda u faqat "Napoli"ga qarshi o‘yinda shunday o‘ynashi kerak edi", - deya Anchelotti so‘zlarini keltiradi Football Espana.
