«Real Madrid» bosh murabbiyi Karlo Anchelotti mavsum yakunida Braziliya terma jamoasini boshqarishni rejalashtiryaptimi yoki yo‘qligini aytdi.
Eslatib o‘tamiz, italiyalikning «qirollik klubi» bilan shartnomasi iyun oyida yakuniga yetadi. Braziliya terma jamoasi Anchelottini bosh murabbiylik uchun asosiy nomzod sifatida belgiladi.
«Braziliya terma jamoasini boshqaramanmi? Ertami-kechmi mish-mishlarga barham beriladi. «Real Madrid»da qolishni xohlaymanmi? Men bu yerda juda baxtliman, lekin biroz xudbinman.
Bu klubda siz doimo bor kuchingizni berishingiz kerak, ammo hozir kelajagim haqida gapirmayman», dedi Anchelotti matbuot anjumanida.
