«Реал Мадрид» бош мураббийи Карло Анчелотти мавсум якунида Бразилия терма жамоасини бошқаришни режалаштиряптими ёки йўқлигини айтди.
Эслатиб ўтамиз, италияликнинг «қироллик клуби» билан шартномаси июнь ойида якунига етади. Бразилия терма жамоаси Анчелоттини бош мураббийлик учун асосий номзод сифатида белгилади.
«Бразилия терма жамоасини бошқараманми? Эртами-кечми миш-мишларга барҳам берилади. «Реал Мадрид»да қолишни хоҳлайманми? Мен бу ерда жуда бахтлиман, лекин бироз худбинман.
Бу клубда сиз доимо бор кучингизни беришингиз керак, аммо ҳозир келажагим ҳақида гапирмайман», деди Анчелотти матбуот анжуманида.
