"Manchester Siti" 2023 yilda o‘z maydonidagi barcha uchrashuvlarda g‘alaba qozongan.
Bugun Pep Gvardiola shogirdlari APLning 9-turida “Brayton”ni mag‘lub etishdi (2:1).
“Manchester Siti” oxirgi marta 2022 yilning 31 dekabrida o‘z uyida g‘alaba qozona olmagan. O‘shandan beri "Etihad Stadium"da o‘tkazilgan 21 uchrashuvda g‘alaba qozonishgan.
Bu ingliz jamoalari uchun noyob seriya. Avvalgi rekord “Manchester Yunayted”ga tegishli edi (20).
"Manchester Siti" navbatdagi o‘yinni 4 noyabr kuni o‘z uyida - Angliya chempionatida "Bornmut"ga qarshi o‘tkazadi.