"Manchester Yunayted" bosh murabbiyi Erik ten Xag APLdagi g‘alabadan keyin jurnalistlar savollariga javob berdi.
"Qizil iblislar" chempionat autsayderini biroz qiyinchilik bilan mag‘lub etishdi - 2:1. Diogu Dalot 77-daqiqada g‘alaba golini kiritdi.
"Birinchi bo‘limdagi o‘yinimiz ko‘p narsani ko‘rsatmagan bo‘lsa-da, tanaffusdan keyin biz nazoratni qo‘lga oldik va ajoyib gol evaziga g‘alaba qozondik.
“Sheffild” biz tayyorlangan tizimda o‘ynamadi, ammo moslasha oldik. Premyer-ligada hech narsa bekorga berilmaydi - har bir qo‘lga kiritilgan ochko uchun kurashish kerak", - dedi niderlandiyalik mutaxassis Sky Sports nashriga bergan intervyusida.
