Shanba oqshomida Ispaniya chempionati doirasida "Sevilya" va "Real" o‘rtasidagi uchrashuv bo‘lib o‘tdi. O‘yin keskin kechdi, maydonda futbolchilar o‘rtasida to‘qnashuvlar yuzaga keldi. Mushtlashuvlardan biri Vinisius Andalusiya jamoasi darvozabonini turtib yuborgach sodir bo‘ldi. Shundan so‘ng “Sevilya” muxlisi “Real” hujumchisiga nisbatan irqchilik ko‘rsatdi va bu kameraga tushib qoldi.
"Sevilya" allaqachon vaziyat bo‘yicha bayonot bergan.
“Ksenofobiya va irqchilik harakati namoyon bo‘lganidan so‘ng, muxlis aniqlanib, stadiondan chiqarib yuborildi va huquq-tartibot idoralariga topshirildi. Bu shaxs ham klubning ichki protokollariga bo‘ysunadi va a’zoligi bekor qilinadi", - deyiladi xabarda.
“Sevilya” – “Real” uchrashuvi 1:1 hisobida yakunlandi.
