Шанба оқшомида Испания чемпионати доирасида "Севилья" ва "Реал" ўртасидаги учрашув бўлиб ўтди. Ўйин кескин кечди, майдонда футболчилар ўртасида тўқнашувлар юзага келди. Муштлашувлардан бири Винисиус Андалусия жамоаси дарвозабонини туртиб юборгач содир бўлди. Шундан сўнг “Севилья” мухлиси “Реал” ҳужумчисига нисбатан ирқчилик кўрсатди ва бу камерага тушиб қолди.
"Севилья" аллақачон вазият бўйича баёнот берган.
“Ксенофобия ва ирқчилик ҳаракати намоён бўлганидан сўнг, мухлис аниқланиб, стадиондан чиқариб юборилди ва ҳуқуқ-тартибот идораларига топширилди. Бу шахс ҳам клубнинг ички протоколларига бўйсунади ва аъзолиги бекор қилинади", - дейилади хабарда.
“Севилья” – “Реал” учрашуви 1:1 ҳисобида якунланди.
