"PSJ" yarim himoyachisi Karlos Soler jamoani tark etishi mumkin, deya xabar beradi Le Parisen.

Parijliklar bosh murabbiyi Luis Enrikening fikricha, jamoada yarim himoyada kreativlik yetishmayapti. Ammo bu o‘ringa yangi o‘yinchi bilan shartnoma imzolash uchun hozirgi tarkibdan birini sotish kerak - bu Soler bo‘lishi mumkin. Karlosning o‘zi "PSJ"dan ketishga tayyor.

Hozirda futbolchining moliyaviy talablarini qondira oladigan ikki jamoa bor – "Brayton" va "Aston Villa". Ular qishda transferni amalga oshirishi mumkin.

Soler "PSJ"da 2022 yilning sentyabridan buyon to‘p tepadi, o‘shanda u “Valensiya”dan 18 million yevro evaziga sotib olingan. Joriy mavsumda u 7 uchrashuvda 1 ta gol urdi va 1 ta golli uzatmani amalga oshirdi.